2Cor 3 | SWP | STEP | Abo ai hetubuuio matamiu eai ai hetorouioimai? E, doha tatao headi, leta nimamai eai ai abidiwa bena abimai au ata, e doha nei bena omi arimiu eai ai abidi?

2 Corinthians 3

Heaeai paisoana, arinai aposotolo se tauribaedi wa.

1 Abo ai hetubuuio matamiu eai ai hetorouioimai? E, doha tatao headi, leta nimamai eai ai abidiwa bena abimai au ata, e doha nei bena omi arimiu eai ai abidi? 2 Omi ema leta ede, se urihemasarahamaio omi nuamiu eai, tatao gamagaridi se itayao, se hasiriyao. 3 I masarahao omi Keriso ena uriuri, ai ama paisoa aniona, nige ink eai se uri, na Eaubada maumaurina Earuana eai, nige aba‐uriuri we’u eai, na aba‐uriuri wa tatao nuadi ede.

4 Ema sunuma ta ai tore Eaubada arinai, Keriso debana eai. 5 Nige ai ene ema adidiri gonoana taba aibom mo saha ai ginauri, Eaubada iabom gonoamai ede, 6 ia i hegigiborimai dobila harihariuna ai tauhemasarahana, ribana nige se uri, Earua eai ta abi; riba se uri meta ginauri aiaiununa, na Earua ia ede i abiabihemauri.

7 Ena taba laugagaeo dobilana, maisana wa ede mate iaede we’u eai se pusaei wa, ena laoma i namanamari ariri, nige gonoana Isaraela nanatunayao se italau Mose matana eai, paana ana ao se namanamari ariri, namanamarina wa nige baeaona i tausoesoe, 8 abo nige Earua dobilana namanamarina i lai ariri hinage? 9 Laugagaeo dobilana, uauana ede baaea abo se hemaisa, taiede ma‐namanamarina i laoma, Earua dobilana, uauana ede laulau dudurai, ia namanamarina mo abo i lai ariri ede, e nige’e? 10 Na wau namanamari bagubagunana wa, ana ao doha nige i namanamari ariri, paana murimuritana mo i lai ariri ede. 11 Wau dobila wa nige baeaona abo i tauyamui, ma‐namanamarina ie laoma; dobila wa miatahitahina i lau e nige nosina, ia namanamarina abo nige i lai ariri, wa?

12 Ai ema sunuma doha ina, arinai ema riba se adidiri ariri, 13 ai nige doha Mose, ia matana i woeoi, Isaraela nanatunayao bena tabu se italau namanamari i tautauyamui wa sigana se ita. 14 Na nuadi se heoiura, i laoma e wau ta ena laugagaeo beabeana se hasiri, woeona wa otana, nige se lausini, paana Keriso mo debana eai se abihesuara. 15 Hedeona, i laoma e wau‐ta, huia ne Mose se hasihasirini, woeo wa nuadi ie suma. 16 Na ena tau i sinibui Guiau arinai, nei huia ne abo woeona se abihesuara. 17 Guiau ia ede Earua. Haedi Guiau Earuana ede, temetai iairihaina. 18 Na ita gamagarida matada se masaraha, doha ilu eai Guiau namanamarina ta hemahemasaraha, abo ta bui, ada ao abo si ori doha ia ana ao, hari namanamari to hari namanamari arinai ta lage, doha Guiau Earuana ena abiabi debana eai.